Um summarið vitjar nógv fólk við Gjógv, og fleiri teirra gista á Gjáargarði.
Tað hendir seg meira enn so, at gestir á Gjáargarði skipa fyri onkrari framførðslu, og síðst í mai var ein slík.
Talan var um ein mann úr Sveits, ið spældi upp á hørpu. Hann hevði verið í Føroyum fyrr, so nøkur av løgum hansara høvdu inspiratión hiðani, men flestu vóru tó úr Írlandi, har harpan er eitt kent instrument gjøgnum fleiri hundrað ár.
Nøkur gjáarfólk høvdu leitað sær á Gjáargarð hetta kvøldið at lýða á, eins og onkrir gistandi gestir eisini lýddu á. |
